შემოსავლების სამსახურის უფროსი ვახტანგ ლაშქარაძე ევროპული ბიზნეს ასოციაციის წევრებს შეხვდა

ფინანსთა სამინისტროს შემოსავლების სამსახურის უფროსი ვახტანგ ლაშქარაძე და შემოსავლების სამსახურის უფროსის მოადგილე ზურაბ ძნელაშვილი ევროპული ბიზნეს ასოციაციის წევრი კომპანიების წარმომადგენლებს შეხვდნენ.

ფინანსთა სამინისტროს შემოსავლების სამსახურის ინფორმაციით, შეხვედრაზე კერძო სექტორის წარმომადგენლებს შესაძლებლობა მიეცათ მათთვის აქტუალურ თემაზე, შემოსავლების სამსახურის უფროსისგან ამომწურავი პასუხები მიეღოთ. მხარეებმა პრობლემატური საკითხების, კერძოდ, საბაჟო და საგადასახადო ადმინისტრირების კუთხით ისაუბრეს და მათი გადაჭრის გზებზე იმსჯელეს.

ვახტანგ ლაშქარაძემ აღნიშნა, რომ შემოსავლების სამსახურის საქმიანობის ერთ-ერთ მთავარ პრიორიტეტს, გადასახადის გადამხდელებთან, მათ შორის მცირე და საშუალო ბიზნესის წარმომადგენლებთან პარტნიორული ურთიერთობა და აქტიური თანამშრომლობაა.

შემოსავლების სამსახურის უფროსის მოადგილემ ზურაბ ძნელაშვილმა განაცხადა, რომ ,,დღევანდელი მორიგი სამუშაო შეხვედრა ბიზნეს ასოციაციის წევრი კომპანიების წარმომადგენლებთან, გამჭვირვალეს ხდის ურთიერთობას და ამცირებს მომავალში საგადასახადო რისკებს.

„ჩვენ მოვინიშნეთ ყველა პრობლემური საკითხი, განვიხილავთ და უახლოეს დღეებში გავცემთ პასუხებს“, - განაცხადა ზურაბ ძნელაშვილმა.

შეხვედრის დასასრულს, შემოსავლების სამსახურის უფროსმა ვახტანგ ლაშქარაძემ აღნიშნა, რომ ბიზნეს სექტორთან შეხვედრები რეგულარული ხასიათის იქნება და აქტიური კომუნიკაცია მომავალშიც გაგრძელდება.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა