გერმანიის ფედერალური სასამართლოს მოსამართლე ქართულ საპენსიო რეფორმაზე -  სახელმწიფომ სწორ დროს შეამჩნია, რომ მოსახლეობის საკეთილდღეოდ საჭიროა მსგავსი სისტემის შექმნა

შეიძლება ითქვას, რომ სახელმწიფომ სწორ დროს შეამჩნია, რომ მოსახლეობის საკეთილდღეოდ საჭიროა მსგავსი საპენსიო სისტემის შექმნა,-ამის შესახებ „ინტერპრესნიუსს“ გერმანიის ფედერალური სოციალური სასამართლოს მოსამართლემ პროფესორმა ნორბერტ ბერნსდორფმა დღეს თსუ-ში გერმანიის საერთაშორისო თანამშრომლობის საზოგადოება (GIZ) მიერ გამართულ საჯარო ლექციაზე დაგროვებითი საპენსიო სისტემის კომენტირებისას განუცხადა.

ნორბერტ ბერნსდორფმა და საპენსიო სააგენტოს დირექტორმა ლევან სურგულაძემ ღია კარის დღეზე დამსწრე საზოგადოებას საქართველოში შემოღებულ დაგროვებით საპენსიო სისტემაზე და ამ კუთხით გერმანიის გამოცდილებაზე მიაწოდეს ინფორმაცია.

როგორც ბერნსდორფმა „ინტერპრესნიუსთან“ საუბრისას აღნიშნა, საქართველოში არსებული საპენსიო სისტემა მისასალმებელია და ასევე განაცხადა, რომ ეს სისტემა ნებაყოფლობითი ჩართვის დაშვების შემთხვევაში შედეგს ვერ უზრუნველყოფდა.

„სისტემა ძირითადად მისასალმებელია. შეიძლება ითქვას, რომ სახელმწიფომ სწორ დროს შეამჩნია, რომ მოსახლეობის საკეთილდღეოდ საჭიროა მსგავსი საპენსიო სისტემის შექმნა, რამდენადაც ამ სისტემის შექმნა პოლიტიკური გადაწყვეტილების საკითხია. მიმაჩნია, რომ საპენსიო სისტემაში ჩართვის იძულებითი ხასიათი გამართლებულია. ბუნებრივია, სისტემის გარშემო ცალკეულ დეტალებთან დაკავშირებით შეიძლება გარკვეული მსჯელობა , თუმცა სისტემაში ჩართვა სავალდებულო რომ არ იყოს, მიმაჩნია, რომ არავინ არ შეურთდებოდა მას“, -განაცხადა მოსამართლემ.

ამასთან, მან რჩევის სახით აღნიშნა, რომ საჭიროა დაკვირვების რეჟიმში ყოფნა ამ სისტემასთან დაკავშირებით და პრობლემების გამოვლენის შემთხვევაში, შესაბამისი რეაგირება და ცვლილებები უნდა მოხდეს.

შეგახსენებთ, რომ „საპენსიო სააგენტოს“ ოფიციალური ინფორმაციით, ამჟამად დაგროვებით საპენსიო სისტემაში, 48 121 კომპანიაა უკვე ჩართული და 721 355 პირადი ანგარიშია გახსნილი,საპენსიო დანაზოგის მოცულობა 157 მლნ ლარია, ამ თანხაზე დარიცხული სარგებელი კი 560 000 ლარს შეადგენს.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა