საქართველოს პრეზიდენტი სალომე ზურაბიშვილი „დედაენის“ დღის აღსანიშნავად, 13-14 აპრილს, სამცხე - ჯავახეთის რეგიონს ეწვევა, ახალქალაქში ქართული ანბანით მოხატულ პანოს საზეიმოდ გახსნის და ადგილობრივ მოსახლეობას სიტყვით მიმართავს.

პრეზიდენტის პრესსამსახურის ინფორმაცით, „დედაენის“ დღესთან დაკავშირებით სალომე ზურაბიშვილი ზურაბ ჟვანიას სახელობის სახელმწიფო ადმინისტრირების სკოლის წარჩინებულ კურსდამთავრებულებს დააჯილდოებს და კონკურსში გამარჯვებულ სკოლის მოსწავლეებს გამოავლენს.

საქართველოს პრეზიდენტი რეგიონების გაძლიერების მხარდაჭერისა და ქართული წარმოების ხელშეწყობის მიზნით, სამცხე-ჯავახეთში არსებულ კომპანიებს ესტუმრება და სახელმწიფო პროგრამაში „აწარმოე საქართველო" ჩართულ მეწარმეებს შეხვდება.

სამცხე- ჯავახეთის რეგიონში დაგეგმილია ადგილობრივ მოსახლეობასთან შეხვედრები.