ვატო შაქარაშვილი - ის ადამიანები, ვის კისერზეცაა ოჯახური ტრაგედიები, დღეს სამართლიანობის ეტალონებად წარმოაჩინეს

„ის ადამიანები, ვისთანაც დაკავშირებული იყო უამრავი უდანაშაულო ადამიანის დასჯა, ვის კისერზეცაა ოჯახური ტრაგედიები, ვინც ქუჩაში ხალხს სდევნიდა, დღეს ისინი სამართლიანობის ეტალონებად წარმოაჩინეს,“ - ამის შესახებ „ქართული ოცნების“ ყოფილმა დეპუტატმა საკრებულოში ვატო შაქარაშვილმა მოძრაობის „დაიცავი საქართველო“ შეკრებაზე სიტყვით გამოსვლისას განაცხადა. მისი თქმით, ეს განგაშის მომცემი სიმპტომია.

„მრავალწლიანი უთანასწორო ბრძოლა იმისთვის იყო, რომ ჩვენს ქვეყანაში დასრულებულიყო და აღარასოდეს განმეორებულიყო უსამართლობა, რომელიც გაბატონებული იყო, მაგრამ რა რეალობაში ამოვყავით თავი 7 წლის შემდეგ? ის ადამიანები, ვისთანაც დაკავშირებული იყო უამრავი უდანაშაულო ადამიანის დასჯა, ვის კისერზეცაა ოჯახური ტრაგედიები, ვინც ქუჩაში ხალხს სდევნიდა, დღეს ისინი სამართლიანობის ეტალონებად წარმოაჩინეს. ეს განგაშის მომცემი სიმპტომია, რადგან მცდელობაა, გადაიხედოს მარადიული ღირებულებები და ფასეულობები; მცდელობაა, გადაიხედოს და გადაფასდეს ოქროს ფრაზა: „აწმყო შობილი წარსულისაგან, არის მშობელი მომავალისა“. როგორც ჩვენ ვხედავთ, დღეს წარსულს სხვადასხვანაირად აფასებს საზოგადოება და დღევანდელი ხელისუფლება. აწმყოსაც განსხვავებულად ვაფასებთ. ვფიქრობ, არაადეკვატურად აღიქვამს მმართველი გუნდი დღევანდელობას. შესაბამისად, ჩვენ ქვეყანას ამ ფონზე ვერანაირ პერსპექტივას ვერ სთავაზობს,“ - განაცხადა შაქარიშვილმა.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა