ირაკლი აბესაძე - ივანიშვილს მოსწონს სასამართლოში არსებული სტატუს-კვო, „კლანის“ მმართველობა, რომელიც მისდამი მორჩილია

ეს არის საბოლოო ხელის კვრა სასამართლო სისტემის უფსკრულში გადაჩეხვისკენ, - ამის შესახებ „საერთო სასამართლოების შესახებ კანონში“ შესატან ცვლილებებთან დაკავშირებით „ევროპული საქართველოს" დეპუტატმა ირაკლი აბესაძემ განაცხადა.

„ქართული ოცნება" ძალიან დაჩქარებულად და საზოგადოებრივი აზრის უგულებელყოფით მორიგ ჯერზე აპირებს ბიძინა ივანიშვილის ახირების საკანონმდებლო დონეზე ასახვას. ივანიშვილს მოსწონს სასამართლოში არსებული სტატუს-კვო, „კლანის“ მმართველობა, რომელიც მისდამი მორჩილია. შესაბამისად, გადაწყვეტილება უკვე მიღებულია. შეუძლებელია, ვიმსჯელოთ ვენეციის კომისიის დასკვნის არსებით განხილვაზე, როდესაც დღეს არასამთავრობო ორგანიზაციებს არ მიეცათ შესაძლებლობა ვენეციის კომისიის დასკვნის შესაბამისად ჩართულიყვნენ საკომიტეტო მუშაობაში. ეს არის საბოლოო ხელის კვრა სასამართლო სისტემის უფსკრულში გადაჩეხვისკენ. ძალიან ძვირი ფასი დაუჯდება როგორც მმართველ გუნდს, სამწუხაროდ, ქვეყანასაც ამიტომ, ჩვენ კიდევ გამოვიყენებთ ყველანაირ რესურსს, რომ კანონი მაქსიმალურად არ იყოს მიღებული, ვიდრე მასზე არ მოხერხდება საზოგადოების მოსაზრებების და შენიშვნების გათვალისწინება“, - ამის შესახებ ჟურნალისტებს ირაკლი აბესაძემ განუცხადა.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში