გიორგი კანდელაკი - AirBnB-ს ოკუპირებულ აფხაზეთში ოპერირება საშიში პრეცედენტია

„ევროპული საქართველო“ ოკუპირებულ აფხაზეთში ამერიკული კომპანია AirBnB-ს ოპერირების განახლებას ეხმაურება და აცხადებს, რომ ეს საშიში პრეცედენტია. ამის შესახებ, „ევროპული საქართველოს“ წევრმა გიორგი კანდელაკმა დღეს გამართულ ბრიფინგზე ისაუბრა.

გიორგი კანდელაკის განცხადებით, ამერიკული კორპორაციის მიერ ოკუპირებული აფხაზეთის ტერიტორიაზე განდევნილი ქართველების უძრავი ქონების გაქირავება რუსეთის მიერ განხორციელებული ეთნიკური წმენდის ერთგვარი ლეგიტიმაციაა.

„სწორედ ამას ვგულისხმობდით, როცა პრემიერ-მინისტრი ბახტაძე სტრასბურგში ევროსაბჭოს ტრიბუნის არგამოყენებისთვის გავაკრიტიკეთ. პრემიერმა აღწერა ჩვენი პრობლემები, მაგრამ არ უთქვამს რას ვითხოვთ, არ მოუთხოვია ევროკავშირის და შეერთებული შტატების მიერ რუსეთზე დაწესებულ სანქციებში საქართველოს ოკუპაციის თემატიკის შეტანა, მათ შორის, ჩვენს ოკუპირებულ ტერიტორიებზე ეკონომიკური საქმიანობის სანქცირება. შედარებისთვის ყირიმში AirBnB და მსგავსი კომპანიები ვერ ოპერირებენ სწორედ, იმიტომ რომ იქ საერთაშორისო სანქციები მოქმედებს“, - განაცხადა კანდელაკმა.

კანდელაკის განმარტებით, პარტია „ევროპული საქართველო“ პარლამენტში რეზოლუციის პროექტს დაარეგისტრირებს, რომლის თანახმადაც პარლამენტი მთავრობას რუსეთის ფედერაციაზე დაწესებულ საერთაშორისო სანქციებში საქართველოს ტერიტორიების ოკუპაციის, მათ შორის ამ ტერიტორიებზე ეკონომიკური საქმიანობის და „ოთხოზორია-ტატუნაშვილის სიის“ შეტანას დაავალდებულებს.

იხილეთ ვიდეო

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა