ფაროსანას საწინააღმდეგო წამლობისას უსაფრთხოების ნორმების დაცვას მონიტორინგის ჯგუფები დააკვირდებიან

აზიურ ფაროსანასთან ბრძოლის საკოორდინაციო მართვის ცენტრმა სამეგრელო-ზემო სვანეთსა და იმერეთში ჯანდაცვისა და პირველადი ჯანდაცვის წარმომადგენლებთან სამუშაო შეხვედრები გამართა. როგორც „ინტერპრესნიუსს“ სურსათის ეროვნული სააგენტოს პრესსამსახურიდან აცნობეს, ცენტრის ხელმძღვანელმა ლაშა შალამბერიძემ მავნებელთან ბრძოლის სახელმწიფო სტრატეგია წარადგინა და მიმდინარე ღონისძიებებზე ისაუბრა.

ჯანმრთელობის დაცვისა და გარემოს დაცვის სპეციალისტებისგან დაკომპლექტებული მონიტორინგის ჯგუფის წევრების მონაწილეობით იმსჯელეს უსაფრთხოების იმ ნორმებზე, რომელთა დაცვაც აუცილებელია მავნებლის საწინააღმდეგო ღონისძიებების გატარების პერიოდში.

აღნიშნული ჯგუფები ინტენსიურ მონიტორინგს ახორციელებენ, სწავლობენ მავნებლის საწინააღმდეგო წამლობის შედეგებს და მის გავლენას გარემოსა და ადამიანის ჯანმრთელობაზე.

შეხვედრაზე აღინიშნა, რომ ყველა პრევენციული ზომა იქნება მიღებული. საკოორდინაციო მართვის ცენტრში შექმნილია გზავნილების ახალი სისტემა, რომლის მეშვეობითაც მოსახლეობას მიეწოდება ინფორმაცია დაგეგმილი წამლობებისა და შესაძლო რისკების თავიდან აცილების შესახებ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 19.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)