ივანე ჯავახიშვილის სახელობის თბილისის სახელმწიფო უნივერსიტეტში, 16 აპრილს, გამოფენა „ბურჯი ეროვნებისა“ გაიხსნება.
თსუ-ს პრესსამსახურის ინფორმაციით, ექსპოზიციაზე წარმოდგენილი იქნება ქართული ენის შესწავლასთან დაკავშირებული წიგნები, უცხოელ ქართველოლოგთა ნაშრომები, უნიკალური ხელნაწერი - გელათის გულანი (გვიანი შუა საუკუნეები).
„მნახველთა განსაკუთრებულ ინტერესს გამოიწვევს 1978 წელს მისაღები, საქართველოს საბჭოთა სოციალისტური რესპუბლიკის კონსტიტუციის ვარიანტები. მათ შორის ის პროექტი, რომელმაც ქართული საზოგადოების საყოველთაო აღშფოთება გამოიწვია.
გამოფენის ორგანიზატორია თსუ-ს ბიბლიოთეკა. ღონისძიება, რომელიც 22 აპრილამდე გასტანს, ქართული ენის კვირეულის ფარგლებში იმართება“, - აღნიშნულია ინფორმაციაში.