პარლამენტის განათლებისა და მეცნიერების კომიტეტმა დედაენასთან დაკავშირებულ კანონპროექტს მესამე მოსმენით მხარი დაუჭირა. როგორც კომიტეტის დასრულების შემდეგ „ინტერპრესნიუსს" „ევროპული საქართველოს“ დეპუტატმა სერგო რატიანმა განუცხადა, დედაენასთან დაკავშირებით შეთანხმება ოპოზიციასა და მმართველ გუნდს შორის მიღწეული არ არის.
„ამპარტავნება არის როდესაც შეიძლება გეგონოს, რომ არსებობს კომისია, რომელიც შექმნის გოგებაშვილის მეთოდზე დამყარებულ ერთადერთ სახელმძღვანელოს. ჩვენი შემოთავაზება იყო, რომ ყოფილიყო მეთოდზე დამყარებული სახელმძღვანელოები. ისედაც არსებობს ასეთი და წლების განმავლობაში სწავლობენ მოსწავლები. ხოლო კომისიას წყაროსთან შესაბამისობის დოკუმენტი გაეცა. ეს იყო ჩვენი შეთავაზება. ის ვარიანტი, რომელსაც მხარი დაუჭირა უმრავლესობამ, არის საავტორო უფლებების დარღვევა“, - განაცხადა რატიანმა.