ქეთევან ციხელაშვილი UNICEF-ის რეგიონულ დირექტორს შეხვდა

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ევროპისა და ცენტრალური აზიის ქვეყნებში გაეროს ბავშვთა ფონდის (UNICEF) რეგიონულ დირექტორს აფშან ხანს შეხვდა.

შერიგებისა და სამოქალაქო თანასწორობის საკითხებში სახელმწიფო მინისტრის აპარატის ინფორმაციით, შეხვედრის მთავარი თემა ოკუპირებულ ტერიტორიებზე არსებული მდგომარეობა იყო.

მათივე ცნობით, საუბარი შეეხო ჰუმანიტარული თვალსაზრისით მოსახლეობის წინაშე მდგარ გამოწვევებს, ადამიანის უფლებების დარღვევის ფაქტებსა და მშობლიურ ენაზე განათლების მიღების შესაძლებლობის შეზღუდვას.

„ძალიან მნიშვნელოვანი შეხვედრა გვქონდა. გაერო და მისი ინსტიტუციები ჩვენი მნიშვნელოვანი პარტნიორები არიან, რომლებიც აფხაზეთის რეგიონში პროექტებს ახორციელებენ. ამჯერად ბავშვთა უფლებებზე ვმსჯელობდით. როცა ჩვენ ადამიანის უფლებებსა და ჰუმანიტარულ სიტუაციაზე ვსაუბრობთ, ეს განსაკუთრებული პრიორიტეტია. საქმე ბავშვების ჯანმრთელობას, მათ იმუნიზაციას, განათლების შესაძლებლობას ეხება. ასევე ვისაუბრეთ იმ ვითარებაზე, რომელიც გალში ეთნიკურად ქართველი მოსახლეობისთვისაა შექმნილი და საჭიროებებზე, რომ საერთაშორისო პარტნიორების მეშვეობით გადაიდგას ნაბიჯები, რათა ბაღიდან დაწყებული, სკოლით დასრულებული, მათი განათლების უფლება და შესაძლებლობა უზრუნველყოფილი იქნას. ეს საკვანძო საკითხია“, - განაცხადა ქეთევან ციხელაშვილმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს