ქართული ცეკვის ანსამბლის „გორდა“ ნაწილი ისარელიდან საქართველოში დღეს დაბრუნდება

ქართული ცეკვის ანსამბლის „გორდა“ ნაწილი ისრაელიდან საქართველოში დღეს დაბრუნდება. როგორც „ინტერპრესნიუსს“ საგარეო საქმეთა სამინისტროდან აცნობეს, დღეს „აირზენას“ რეისით, 21:30 საათზე ხუთი ბავშვი და ორი მშობელი საქართველოში დაბრუნდება.

„ისრაელში საქართველოს კონსულს შეხვედრა ჰქონდა მოქალაქეებთან, ბავშვებთან, ისრაელის საიმიგრაციო სამსახურის წარმომადგენლებთან. შეხვედრის შედეგად, მიღებულ იქნა ბავშვებისა და ორი მშობლის საქართველოში დაბრუნების გადაწყვეტილება. ისინი დღეს „აირზენას“ რეისით 21:30 საათზე გამოფრინდებიან საქართველოში. მათი ბილეთები ისრაელის მხარემ შეიძინა. აღნიშნულის შესახებ ინფორმირებული არიან ოჯახის წევრები,” - აცხადებენ საგარეო საქმეთა სამინისტროში.

შეგახსენებთ, რომ 14 აპრილს ქართული ცეკვის ანსამბლი „გორდა“ ისრაელში არ შეუშვეს. მესაზღვრეებისათვის საეჭვო გახდა ის გარემოება, რომ ანსამბლი ისრაელში მიდიოდა საბავშვო ფესტივალზე მონაწილეობის მიზნით და ანსამბლის 17 წევრიდან მხოლოდ 5 იყო ბავშვი, დანარჩენი კი 25 წლის ზემოთ პირები. ანსამბლის წევრთა ნაწილი საქართველოში 17 აპრილს დაბრუნდება.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა