ოთარ კახიძე - ბიძინა ივანიშვილი ქვეყანას მართავს კომუნისტური პარტიის ტრადიციებით, როდესაც გენერალური მდივანი იყო ქვეყნის პირველი პირი

ბიძინა ივანიშვილი ქვეყანას მართავს კომუნისტური პარტიის ტრადიციებით, როდესაც გენერალური მდივანი იყო ქვეყნის პირველი პირი, - ამის შესახებ "ევროპული საქართველოს" წევრმა ოთარ კახიძემ ჟურნალისტებს მოსალოდნელ სამთავრობო ცვლილებებთან დაკავშირებით დასმული კითხვის პასუხად განაცხადა.

მისივე თქმით, ივანიშვილის მართველობის სტილი არის მახინჯი ფორმა და ასე დემოკრატიული სახელმწიფოები არ იმართება.

"მთავარი ცვლილება, რომელიც ჩვენ გვჭირდება არის ივანიშვილის ცვლილება, მისი რეჟიმის ცვლილება და იმ მანდატის ჩამორთმევა, რომელიც მას აქვს მიტაცებული და მითვისებული. ეს უნდა გავაკეთოთ ჩვენ საპარლამენტო არჩევნების საშუალებით",-აცხადებს ოთარ კახიძე