პარიზში, ღვთისმშობლის ტაძარში დღეს გაჩენილი ხანძრის გამო ქვეყნის პრეზიდენტმა ემანუელ მაკრონმა ერისადმი საღამოსთვის დაგეგმილი მიმართვა გადადო. ამის შესახებ „დოიჩე ველე“ იუწყება.

საფრანგეთის დედაქალაქის მერი ან იდალგო ტაძრის სიახლოვეს მყოფ ადამიანებს მოუწოდებს, ხელი არ შეუშალონ სახანძრო სამსახურის წარმომადგენლების მუშაობას, რომლებიც ნოტრ-დამში გაჩენილ ხანძარს აქრობენ.

ამ დრომდე პოლიციას მომხდართან დაკავშირებით განცხადება არ გაუკეთებია. ცნობილია, რომ ტაძარში სარესტავრაციო სამუშაოები მიმდინარეობდა, რომლის ღირებულება 6 მილიონ ევროდ არის შეფასებული.