აშშ-ს სპეციალური პროკურორის რობერტ მიულერის ანგარიში, რომელიც რუსეთის მხრიდან ამერიკის პრეზიდენტის 2016 წლის არჩევნებში შესაძლო ჩარევის საქმის გამოძიებას ხელმძღვანელობდა, 18 აპრილს გამოქვეყნდება. ამის შესახებ, „დოიჩე ველე“ შეერთებული შტატების იუსტიციის სამინისტროს წარმომადგენლეზე დაყედნობით იუწყება.

მონაცემთა ნაწილი საზოგადოებისთვის ხელმისაწვდომი არ იქნება. ამის შესახებ მანამდე აშშ-ის გენერალურმა პროკურორმა უილიამ ბარმა განაცხადა.

მისი თქმით, ეს ზომები გავრცელდება სპეცსამსახურების წყაროებთან დაკავშირებულ ინფორმაციაზე, ასევე იმ მონაცემებზე, რომლებიც ეხება მეორეხარისხოვან მოქმედ პირთა პირად ცხოვრებას, რომლებსაც არ აქვთ წაყენებული რაიმე სახის ბრალდება.

სპეცპროკურორ რობერტ მიულერის ხელმძღვანელობით კომისია 2017 წლიდან აწარმოებს გამოძიებას აშშ-ის 2016 წლის საპრეზიდენტო არჩევნებში რუსეთის სავარაუდო ჩარევის შესახებ.