განათლების, მეცნიერების, კულტურის და სპორტის მინისტრი მიხეილ ბატიაშვილი ეროვნული ბიბლიოთეკის დირექტორის, მწერალ გიორგი კეკელიძის ინიციატივას უერთდება, რომ 23 აპრილი წიგნის ჩუქების დღედ გამოცხადდეს. მინისტრი დარწმუნებულია, რომ ამ წამოწყებას მრავალი თანამოქალაქე შეუერთდება.
„წიგნის ჩუქება შემეცნების სიხარულის გაზიარებაა სხვებისთვის – ნებისმიერი ასაკის ადამიანისათვის, მეგობრისა თუ სრულიად უცნობისთვის. ბავშვებისათვის კი ეს მომენტი სრულიად განსაკუთრებული და ახალი განცდებისა თუ გამოცდილების დასაწყისი შეიძლება გახდეს. სიამოვნებით ვუერთდები ეროვნული ბიბლიოთეკის დირექტორის, მწერალ გიორგი კეკელიძეს, 23 აპრილის წიგნის ჩუქების დღედ გამოცხადების ინიციატივას. მჯერა, რომ ამ შესანიშნავ წამოწყებას ჩვენი მრავალი თანამოქალაქე შეუერთდება და ყველა ერთად ფასეულ ტრადიციას დავუდებთ სათავეს“ , - აცხადებს მიხეილ ბატიაშვილი.
საქართველოს განათლების, მეცნიერების, კულტურისა და სპორტის სამინისტრო მომავალში არაერთი ღონისძიებით შეუერთდება წიგნის ჩუქების დღედ გამოცხადების ინიციატივას.