ოთარ კახიძე უმრავლესობას - ივანიშვილი მურუსიძის ადვოკატად მოგვევლინა, იზიარებთ თუ არა იმ მოსაზრებას, რომ გირგვლიანის საქმეში დამნაშავე იყო არა მურუსიძე, არამედ შავგულიძე?

„ევროპული საქართველოს“ წევრის, ოთარ კახიძის განცხადებით, ბიძინა ივანიშვილის ერთადერთი ღირებულება სასამართლოს გაკონტროლებაა. ამის შესახებ კახიძემ პარლამენტის პლენარულ სხდომაზე განაცხადა. როგორც მან აღნიშნა, ივანიშვილმა ლევან მურუსიძე სწორედ იმიტომ შეარჩია, რომ როგორც წინა ხელისუფლების პირობებში ასრულებდა ხელისუფლების დაკვეთებს, ისე შეასრულებს ივანიშვილის დაკვეთებსაც.

„ივანიშვილის განცხადებით, თურმე სანდრო გირგვლიანის საქმეში დამნაშავე ყოფილა მისი ადვოკატი, რომელმაც ადამიანის უფლებათა ევროპულ სასამართლოში დაამარცხა მაშინდელი ხელისუფლება. თავად ბატონი ივანიშვილი ლევან მურუსიძის ადვოკატად მოგვევლინა, რომელიც უზენაეს სასამართლოში განიხილავდა გირგვლიანის საქმეს და რომლის პირდაპირი ვალდებულება იყო სამართლიანი სასამართლოს უფლება ყოფილიყო გარანტირებული აღნიშნულ საქმეში. თქვენი შეფასება მაინტერესებს, ეთანხმებით თუ არა თქვენი პარტიის თავმჯდომარის ამ განცხადებას, იზიარებთ თუ არა იმ მოსაზრებას, რომ გირგვლიანის საქმეში დამნაშავე იყო არა მურუსიძე, არამედ შავგულიძე? ეს ძალიან ნიშანდობლივი განცხადებაა, ეს ნიშნავს, რომ საერთოდ არანაირი არც მორალური ღირებულებები არსებობს და არის ფარისევლობის ზეიმი, როდესაც ივანიშვილისთვის თურმე ის საკითხები, რომელზეც კაპიტალიზებას ახდენდა ამდენი წლის განმავლობაში, თურმე არაფერს ნიშნავს. მისთვის ერთადერთი ღირებულება არის სასამართლოს გაკონტროლება და მურუსიძე სწორედ იმიტომ შეარჩია, რომ როგორც წინა ხელისუფლების პირობებში ასრულებდა ხელისუფლების დაკვეთებს, ისე შეასრულებს ივანიშვილის დაკვეთებს. შალვა შავგულიძე კი არის სიმართლისთვის ბრძოლის სიმბოლო, არის სიმბოლო პრინციპულობის და სამართლიანობის და სწორედ ამიტომ დაგამარცხებთ თქვენც მურუსიძიანად როგორც არჩევნებზე, ისე მორალურადაც ნებისმიერ დისკუსიაში“, -მიმართა კახიძემ უმრავლესობას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს