ვენეციის კომისია საქართველოს ხელისუფლებას უზენაესი სასამართლოს თავმჯდომარის თანამდებობაზე ყოფნის 10-წლიანი ვადის შემცირებას სთავაზობს

ვენეციის კომისია დასკვნაში საქართველოს ხელისუფლებას უზენაესი სასამართლოს თავმჯდომარის თანამდებობაზე ყოფნის ვადის შემცირებას სთავაზობს.

„ორგანული კანონპროექტის თანახმად, უზენაესი სასამართლოს თავმჯდომარის თანამდებობაზე ყოფნის ვადა 10 წლით განისაზღვრება. საქართველოში არსებული სიტუაციიდან გამომდინარე, როდესაც უფრო მსხვილ და ახლად შექმნილ უზენაეს სასამართლოზე გადასვლა ხდება, უზენაესი სასამართლოს თავმჯდომარის 10 წლით დანიშვნა შესაძლოა, ძალიან ხანგრძლივი იყოს. შესაბამისად, უზენაესი სასამართლოს თავმჯდომარის თანამდებობაზე ყოფნის უფრო მცირე ვადა შეიძლება განხილული იყოს“, - ნათქვამია ვენეციის კომისიის დასკვნაში.