ჩვენ ძირითადად ვმსჯელობთ, როგორ იქნას დაცული უსაფრთხოების წესები,- ამის შესახებ ეკონომიკისა და მდგრადი განვითარების მინისტრის მოადგილემ ნათია თურნავამ ავტოსადგურების საქმიანობაზე კონტროლის გამკაცრების კომენტირებისას განაცხადა.

მისივე თქმით, რა ფორმით მოხდება უსაფრთხოების წესების დაცვა და საჭირო იქნება თუ არა ლიცენზირება ამ ეტაპზე გადაწყვეტილი არაა.

„ჩვენ ძირითადად ვმსჯელობთ, როგორ იქნას დაცული უსაფრთხოების წესები. მოითხოვს თუ არა ეს ლიცენზირებას თუ რაიმე სხვა ღონისძიებას, ამას მოგვიანებით გადავწყვეტთ. დღესდღეობით საუბარია იმაზე, რომ უსაფრთხოების სტანდარტი იყოს დაცული, რაც ძალიან მნიშვნელოვანია,“ - აცხადებს თურნავა.

შეგახსენებთ, რომ ავტოსადგურების საქმიანობაზე კონტროლის გამკაცრებასთან დაკავშირებით კანონპროექტს ეკონომიკის სამინისტრო უცხოელ ექსპერტებთან ერთად ამზადებს.