რელიგიის საკითხთა სახელმწიფო სააგენტო ეზიდ თემს „აიდა სარსალეს” დღესასწაულს ულოცავს.
„დღეს ეზიდები „აიდა სარსალეს” დღესასწაულობენ, რაც მათი რელიგიური კალენდრის მიხედვით, ახალი წლის დადგომას ნიშნავს და ყოველწლიურად აპრილის თვეში აღინიშნება. ამ დღეს მორწმუნეები ფერადი კვერცხებით და მინდვრის ყვავილებით ხვდებიან. კვერცხი, როგორც სიცოცხლის სიმბოლო, ახალ სიცოცხლეს, ახალ სამყაროს უკავშირდება.
რელიგიის საკითხთა სახელმწიფო სააგენტო ულოცავს ეზიდ თემს დღესასწაულს და კეთილდღეობას უსურვებს მათ“, - ნათქვამია რელიგიის საკითხთა სახელმწიფო სააგენტოს განცხადებაში.