ირაკლი კობახიძე - მოსამართლეებთან დაკავშირებულ კანონპროექტში გამოთქმული შენიშვნების ასახვა მეორე მოსმენით განხილვის შედეგად მოხდება

პარლამენტის თავმჯდომარის, ირაკლი კობახიძის განმარტებით, უზენაესი სასამართლოს მოსამართლეთა შერჩევასთან დაკავშირებული კანონპროექტის მეორე მოსმენით განხილვის შედეგად, მასში დღევანდელ პლენარულ სხდომაზე გამოთქმული შენიშვნების ასახვა მოხდება. ამით კობახიძემ „ევროპული საქართველოს“ წევრს, ოთარ კახიძეს უპასუხა, რომელმაც უმრავლესობას კანონპროექტის განხილვის 2 კვირით გადადებისკენ მოუწოდა, რათა მასში ვენეციის კომისიის რეკომენდაციების ასახვა მოესწროს. ირაკლი კობახიძის განცხადებით, კანონპროექტის მომხსენებელი ანრი ოხანაშვილი ვენეციის კომისიის რეკომენდაციების ასახვის თაობაზე თავის სიტყვაში ისაუბრებს.

„იმისთვის იმართება მეორე მოსმენა, რომ გამოითქვას მოსაზრებები და ასევე, მეორე მოსმენის დროს შეიძლება ცვლილებების ასახვა. ეს პრაქტიკა არაერთხელ ყოფილა ჩვენს პარლამენტში. მეორე მოსმენის დროს გამოითქმება, მათ შორის მუხლობრივი შენიშვნები. ამას შეიძლება დაეთანხმოს მომხსენებელი და შესაბამისად, აისახება ეს შენიშვნებიც კი. რაც შეეხება ვენეციის კომისიას, ტექსტობრივად, ჩვენ ამაზე საუბარი გვქონდა შეხვედრაზე, რომელიც დღეს დილით გაიმართა. მომხსენებელი, ბატონი ანრი ოხანაშვილი მოგახსენებთ იმის თაობაზე, თუ რა სახით ვფიქრობთ ამ რეკომენდაციების ასახვას. გარდა ამისა, პარასკევს შედგება კენჭისყრა. შესაბამისად, უკვე შეჯერებული ვარიანტი იქნება დაგზავნილი თითოეული დეპუტატისთვის. ასე რომ, ხვალ გექნებათ დრო იმისთვის, რომ დღეს გამოთქმული შენიშვნების შესაბამისად მომზადებულ პროექტს და იმ ტექსტს გაეცნოთ, რომელიც ვენეციის კომისიის რეკომენდაციების ასახვას შეეხება,“ - განაცხადა ირაკლი კობახიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს