პარლამენტის პლენარული სხდომა 15:00 საათისთვის გადაიდო. სხდომაზე „საერთო სასამართლოების შესახებ კანონში“ ცვლილებების განხილვა ვერ მოხერხდა, რადგან ოპოზიციონერი დეპუტატების მოთხოვნა განხილვის გადადება იყო.

სესიაზე დაისვა საკითხი, რომ განხილვა მას შემდეგ დაიწყოს, რაც კანონპროექტის ის ვარიანტი დარიგდება, რომელშიც ვენეციის კომისიის რეკომენდაციები იქნება ასახული.

როგორც დეპუტატების პასუხად სხდომის წამყვანმა, ირაკლი კობახიძემ განმარტა, მომხსენებელი ანრი ოხანაშვილი წარმოადგენდა ცვლილებებს, რომლის ასახვაც კანონპროექტში იგეგმება. კობახიძემ რამდენჯერმე აღნიშნა, რომ მიღებული პრაქტიკაა, როცა პროექტი მეორე მოსმენით განხილვისას სესიაზე სწორდება.

აღნიშნული პოზიცია ოპოზიციონერმა დეპუტატება არ გაიზიარეს. საბოლოოდ ირაკლი კობახიძემ სხდომის 15:00 საათამდე გადადების გადაწყვეტილება მიიღო.