საუდის არაბეთიდან ჩამოსული ორი და აცხადებს, რომ ისინი საქართველოში იმყოფებიან და თავშესაფარს ითხოვენ. საუბარია 28 და 25 წლის მაჰა და ვაფა ალ-სუბაიებზე.

სოციალურ მედიაში გავრცელებულ ვიდეოში დები აცხადებენ, რომ საქართველოში იმყოფებიან და მათ დაცვა სჭირდებათ.

„ჩვენ გვჭირდება ქვეყანა, რომელიც ჩვენს უფლებებს დაიცავს და მიგვიღებს“, - აცხადებენ ისინი.

მათი განმარტებით, საუდის არაბეთიდან, ოჯახიდან გაიქცნენ, სადაც მათ ჩაგრავდნენ.

როგორც დებმა აღნიშნეს, საქართველოში მათი მამა და ძმა ჩამოვიდნენ მათ უკან წასაყვანად.