მმართველი გუნდი პარლამენტის ხვალინდელ პლენარულ სხდომამდე, კიდევ ერთი კონსულტაციის გამართვას და უმრავლესობის ფორმატში შეკრებას გეგმავს.

„ინტერპრესნიუსის“ ინფორმაციით, საპარალამენტო უმრავლესობის სხდომა 18 აპრილს, 10:00 საათზე პარტია „ქართული ოცნების“ ოფისშია დაგეგმილი.

12:00 საათზე კი, პარლამენტის პლენარული სხდომა დაიწყება, სადაც უზენაესი სასამართლოს მოსამართლეების არჩევის წესზე უმრავლესობის კანონპროექტის მეორე მოსმენით განხილვა იგეგმება.

როგორც „ქართულ ოცნებაში“ აცხადებენ, ხვალვე მოუსმენენ ამავე თემაზე სახალხო დამცველს, თუკი ეს დროში მოესწრება.

„საერთო სასამართლოების შესახებ“ კანონში დაგეგმილი ცვლილებები პარალმენტს დღევანდელ სხდომაზე უნდა განეხილა, თუმცა ოპოზიციის წინააღმდეგობის გამო განხილვის პროცესი ვერ დაიწყო და სხდომა დაიხურა.

იხილეთ ვიდეო: მოსამართლეების არჩევის შესახებ კანონპროექტის განხილვა 18 აპრილისთვის გადაიდო