გუდაური-კობის გზის მონაკვეთზე თოვლში ჩარჩენილი მგზავრები უკვე გამოიყვანეს. ისინი თოვლში რამდენიმე საათის განმავლობაში იყვნენ ჩარჩენილები.

როგორც საგანგებო სიტუაციების მართვის სამსახურში „ინტერპრესნიუსს“ განუცხადეს, ამ დროისთვის გუდაურიდან თბილისის მიმართულებით მოძრაობა თავისუფალია.

„გზაზე იყო პრობლემა. გუდაურში რამდენიმე მანქანა ჩარჩა თოვლში, რამაც გამოიწვია გზაზე შეფერხება. ჩვენს ხელთ არსებული ინფორმაციით, ამ დროისთვის გზა არის გახსნილი და ამ წუთებში არავინ არის ჩარჩენილი. ის მგზავრები, რომლებიც ჩარჩენილი იყვნენ, გამოიყვანეს. მაშველების დახმარება არავის სჭირდება. ახლა ნებისმიერ მსურველს, გუდაურიდან თბილისის მიმართულებით და პირიქით, მოძრაობა თავისუფლად შეუძლია“, - განაცხადეს საგანგებო სიტუაციების მართვის სამსახურში.