პერუს ყოფილი პრეზიდენტი, რომელმაც თვითმკვლელობა სცადა, გარდაიცვალა

პერუს ყოფილი პრეზიდენტი ალან გარსია, რომელმაც თავის მოკვლა სცადა, გარდაიცვალა. ამის შესახებ „როიტერი“ იუწყება.

მანამდე ცნობილი გახდა, რომ მასთან სახლში პოლიცია მის დასაკავებლად მივიდა. ექსპრეზიდენტი კორუფციაში იყო ეჭვმიტანილი. თუმცა, გარსიამ თვითმკვლელობა სცადა.

ექსპრეზიდენტი საავადმყოფოში გადაიყვანეს, სადაც ექიმებმა მისი ჯანმრთელობის მდგომარეობა შეაფასეს როგორც „ძალიან კრიტიკული“. მას გული სამჯერ გაუჩერდა და კომატოზურ მდგომარეობაში იყო.

ალან გარსია პერუს პრეზიდენტის თანამდებობას ორი ვადით იკავებდა - 1985-1990 და 2006-2011 წლებში.

იხილეთ ვიდეო: პერუს ყოფილი პრეზიდენტი, რომელმაც დაკავების დროს თვითმკვლელობა სცადა გარდაიცვლა