ამერიკის სახელმწიფო დეპარტამენტმა ისრაელის ახალი რუკა გამოაქვეყნა, რომლის ნაწილად აღნიშნულია გოლანის მაღლობები. „დოიჩე ველეს“ ინფორმაციით, ახალი რუკა აშშ-ის პრეზიდენტის სპეცწარმომადგენელმა ახლო აღმოსავლეთში ჯეისონ გრინბალთმა გამოაქვეყნა.

რუკაზე შესწორებები შესულია ამერიკის პრეზიდენტის დონალდ ტრამპის შესაბამისი გადაწყვეტილების საფუძველზე.

როგორც ცნობილია, 25 მარტს ამერიკის ლიდერმა ფორმალურად აღიარა ისრაელის სუვერენიტეტი გოლანის მაღლობებზე და შესაბამის დეკლარაციას ისრაელის პრემიერ-მინისტრის ბენიამინ ნეთანიაჰუს თანდასწრებით მოაწერა ხელი.