არის ასეთი ანდაზა: ქაჩალი თავს არ იფხანდა, მოიფხანა და მოიგლიჯაო. ეს არის ზუსტად, რაც ხდება, - ასე ეხმაურება „სამოქალაქო მოძრაობის“ ლიდერი ალეკო ელისაშვილი „პალიტრანიუსის“ გადაცემაში „360 გრადუსი“ თბილისის მერის კახა კალაძის ინიციატივას ტაქსების თეთრად გადაღებვასთან დაკავშირებით.

როგორც ალეკო ელისაშვილი აღნიშნავს, ქალაქში მოძრავი ბევრი ტაქსი გაუმართავი საზოგადოებრივი ტრანსპორტის შედეგია.

„არის ასეთი ანდაზა: ქაჩალი თავს არ იფხანდა, მოიფხანა და მოიგლიჯაო. ეს არის ზუსტად, რაც ხდება. ცარიელ ადგილზე შექმნეს პრობლემა და ახლა არიან ჯახირში და წვალებაში, როგორ მოაგვარონ ეს პრობლემა. რატომ წვალობ?! რატომ მოიგონე ეს რაღაც სისულელე, ტაქსების თეთრად გადაღებვა?! თუ ტრანსპორტის თვალსაზრისით რამე უნდა მოგვარდეს თბილისში, ყველაზე ბოლოს უნდა მოგვარდეს ტაქსების ამბავი. ძალიან ბევრჯერ მითქვამს, რომ ბევრი ტაქსი არის შედეგი გაუმართავი საზოგადოებრივი ტრასნსპორტისა. საზოგადოებრივი ტრანსპორტი, მეტრო, ავტობუსი და ღმერთმა ქნას, ტრამვაი რომ იყოს, ძალიან ცოტა ტაქსი ივლიდა. როდესაც საზოგადოებრივი ტრანსპორტი ვერ აუდის მგზავრთნაკადის გადაყვანას, ეს სიცარიელე და სივრცე შეავსო ტაქსმა“, - განაცხადა ელისაშვილმა.

წამყვანის რეპლიკაზე, რომ მერია საზოგადოებრივი ტრანსპორტის გამართვაზე მუშაობს, ელისაშვილმა უპასუხა:„ძალინ მაგრად მუშაობენ. დღესაც 20 წუთი იყო გაჭედილი გლდანსა და სარაჯიშვილს შორის მეტრო. მაგარი მოგვარებულია“.

იხილეთ ვიდეო