უკრაინის უსაფრთხოების საბჭოს მდივანი - რუსეთი ტერორიზმის გამავრცელებელ სახელმწიფოდ უნდა გამოვაცხადოთ

რუსეთის უშიშროების ფედერალური სამსახური (ФСБ) და რუსეთის გენერალური შტაბის მთავარი სამმართველო ტერორისტულ ორგანიზაციებად უნდა გამოცხადდნენ, - ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა ალექსანდრე ტურჩინოვმა განაცხადა.

„ФСБ და რუსეთის გენერალური შტაბის მთავარი სამმართველო ტერორისტულ ორგანიზაციებად უნდა ვაღიაროთ, ხოლო რუსეთი კი, როგორც სახელმწიფო, რომელიც ტერორიზმს ავრცელებს“, - განაცხადა ტურჩინოვმა.

უკრაინის ეროვნული უსაფრთხოებისა და თავდაცვის საბჭოს მდივანმა აღნიშნული ინიციატივა იმით ახსნა, რომ რუსეთი უკრაინის ტერიტორიაზე ტერაქტების ორგანიზებაში მონაწილეობს.

შეგახსენებთ, რომ გუშინ ინფორმაცია გავრცელდა, რომ უკრაინელმა სამართალდამცველებმა რუსეთიდან უკრაინაში ჩასული პირები დააკავეს, რომლებიც უკრაინაში დივერსიის მომზადებას აპირებდნენ.