ანრი ოხანაშვილი - მზად ვართ, უარი ვთქვათ მოსამართლეთა საკვალიფიკაციო გამოცდის არსებობაზე - ეს იქნება კომპრომისული მიდგომა ჩვენი მხრიდან

მზად ვართ წარმოგიდგინოთ პოზიცია, უარი ვთქვათ მოსამართლეთა საკვალიფიკაციო გამოცდის არსებობაზე - ეს იქნება კომპრომისული მიდგომა ჩვენი მხრიდან, - აღნიშნული განცხადება პარლამენტის ტრიბუნიდან იურიდიულ საკითხთა კომიტეტის თავმჯდომარემ ანრი ოხანაშვილმა გააკეთა, რომელიც მეორე მოსმენით “საერთო სასამართლოების შესახებ“ კანონში დაგეგმილი ცვლილებების პროექტის კორექტირებულ ვარიანტს წარადგენს.

ამასთან, ოხანაშვილმა ოპოზიციას მიმართა და ოპონენტების მხრიდან შემხვედრი ნაბიჯების გადადგმის იმედი გამოთქვა.

მან დღეს ხაზგასმით განაცხადა, რომ მმართველი გუნდი “ვენეციის კომისიის ყველა პრინციპულ რეკომენდაციას ითვალისწინებს, გარდა ერთისა, რომელიც წმინდა სამართლებრივი რეკომენდაცია არ არის.

“ვენეციის კომისია არ საუბრობს იმის შესახებ, რომ მოსამართლეთა საკვალიფიკაციო გამოცდის მოხსნა არის აუცილებელი. ჩვენ გუნდში გვქონდა მსჯელობა. არსებობს პოზიცია და ეს არის ლოგიკური, რომ საკვალიფიკაციო გამოცდა ძალიან მაღალ სტანდარტს ნიშნავს და თუკი ვინმეს აქვს პრეტენზია, რომ უმაღლესი ინსტანციის მოსამართლე გახდეს, მას უნდა ჰქონდეს განცდა იმისა, რომ სისტემაში უფრო მეტად მომზადებული შევიდეს. ამიტომ ამაში არაფერია ცუდი - პირიქით. მნიშვნელოვანია, თუკი ჩვენ ამ ნაბიჯს გადავდგამდით, თუმცა ოპონენტებისა და არასამთავრობო ორგანიზაციების მხრიდან იყო საუბარი იმის შესახებ, ხომ არ შექმნის ეს ხელოვნურ ბარიერს. ამიტომ ეს არის ერთგვარი პოლიტიკური კომპრომისი ყველა ამ სუბიექტთან მიმართებაში. ჩვენ მზად ვართ წარმოგიდგინოთ პოზიცია, რომ უარი ვთქვათ საკვალიფიკაციო გამოცდის არსებობაზე - ეს იქნება კომპრომისული მიდგომა ჩვენი მხრიდან. იმედს ვიტოვებ, რომ ოპონენტები შემხვედრ ნაბიჯს გადმოდგამთ და ამ კომპრომისულ ვერსიაში თქვენ ჩვენი მხარდამჭერები იქნებით“, - განაცხადა ანრი ოხანაშვილმა.

“საერთო სასამართლოების შესახებ“ კანონში დაგეგმილი ცვლილებების პროექტის კორექტირებული ვარიანტით, იუსტიციის უმაღლესი საბჭო უფლებამოსილი იქნება უზენაესი სასამართლოს მოსამართლეობის კანდიდატი წარადგინოს მოსამართლეობის საკვალიფიკაციო გამოცდის ჩაბარების გარეშე.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს