ბაჩანა შენგელია - დადასტურდა ჩვენი ეჭვი, რომ ია კერზაიას საქმეზე გამოძიება არასწორი მიმართულებით მიმდინარეობს

დადასტურდა ჩვენი ეჭვი, რაზეც ჩვენ აქამდე ვსაუბრობდით, რომ ია კერზაიას საქმეზე გამოძიება არასწორი მიმართულებით მიმდინარეობს, - ეს განცხადება ბაჩანა შენგელიამ პროკურატურაში დედამისის, ია კერზაიას გარდაცვალების საქმის მასალების გაცნობის შემდეგ გააკეთა.

მისი თქმით, გამოძიებას ამ დრომდე არ ჰყავს დაკითხული საქმის მთავარი მოქმედი პირები.

„ამდენი ხანი ვსაუბრობდით, რომ გამოძიება მიმდინარეობს არასწორი გზით და არ არის ეფექტური ნაბიჯები გადადგმული, ვინაიდან ჩვენ ვნახეთ საქმეში, რომ მთავარი მოქმედი პირი, მიხეილ ბატიაშვილი არ არის გამოკითხული საქმეზე. ნაცვლად ამისა, არიან გამოკითხული ისეთი პირები, რომლებსაც დანაშაულზე პრაქტიკულად ვერ ექნებოდათ ინფორმაცია. მაგალითად, სკოლის დამლაგებლები, რაც აბსურდია. ასევე არ არის დეტალური ამონაწერები ტელეფონებიდან, არ არის ექსპერტიზა. მაგალითად, არ არის კამერები დროულად ამოღებული. მე ამას ხაზს ვუსვამ, არის 4 თვის დაგვიანებით მიმართვა კამერების ამოღებასთან დაკავშირებით და პასუხი არის, რომ კამერები არის წაშლილი. საუბარია ვინმე ლავრენტი ქირიაზე, რომელიც არ არსებობს და ეს დოკუმენტურად არის დადასტურებული.

არ არის ეფექტური საგამოძიებო მოქმედებები ჩატარებული ამ საქმეზე და არ მიმდინარეობს იმდაგვარად, რომ გამორკვეულიყო რეალური დამნაშავეები და ეს დღეს კიდევ უფრო დადასტურდა. ამიტომ, ჩვენ ეს პოზიცია იქვე დავაფიქსირეთ, მიხეილ ბატიაშვილის გამოკითხვასთან დაკავშირებით და სანამ ეს ადამიანი არ გამოიკითხება, რაიმე სახის გამოძიებაზე და ობიექტურობაზე საუბარი ზედმეტია“, - განაცხადა ბაჩანა შენგელიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს