ოთარ კახიძე პარლამენტს სთავაზობს, კითხვების მოსახსნელად, კანონპროექტში პირდაპირ ჩაიწეროს, რომ მოსამართლეობის კანდიდატს საკვალიფიკაციო გამოცდის ჩაბარება არ მოუწევს

„ევროპული საქართველოს“ წევრის, ოთარ კახიძის განცხადებით, ვენეციის კომისიის რეკომენდაციის ნაცვლად, რომ უზენაესი სასამართლოს მოსამართლეობის კანდიდატმა საკვალიფიკაციო გამოცდა არ უნდა ჩააბაროს, მმართველი გუნდი იუსტიციის საბჭოს უტოვებს დისკრეციას, თავად გადაწყვიტოს, მოსთხოვოს თუ არა კანდიდატს გამოცდის ჩაბარება.

ამის შესახებ ოთახ კახიძემ პარლამენტის პლენარულ სხდომაზე განაცხადა. კახიძე დაინტერესდა, რატომ არ მოხდა ვენეციის კომისიის რეკომენდაციების გათვალისწინება მათ შორის იმ რეკომენდაციის, რომლის მიხედვითაც, ამ მოწვევის პარლამენტმა არ აირჩიოს უზენაესი სასამართლოს ყველა წევრი.

„ბატონო ანრი, სანამ მთავარ კითხვაზე გადავიდოდე, თქვენ როგორც იურიდიული კომიტეტის თავმჯდომარემ, დადეთ თუ არა პირობა, რომ კანონპროექტის მეორედ განხილვამდე დაელოდებოდით ვენეციის კომისიის დასკვნას და დადეთ თუ არა პირობა, რომ გაითვალისწინებდით ვენეციის კომისიის რეკომენდაციებს? თუ ეს პირობა დადეთ, მაშინ შეგეშალათ, შემდგომ გადაიფიქრეთ, თუ რატომ არ არის პროექტში ვენეციის კომისიის რეკომენდაციები? კერძოდ, მხედველობაში მაქვს რეკომენდაცია, რომელიც ითვალისწინებს რომ ამ მოწვევის პარლამენტმა არ აირჩიოს ყველა წევრი და კონკრეტული ფორმულირება გვაქვს ამასთან დაკავშირებით, რომელიც ასევე ითვალისწინებს დასაბუთებულობის ნაწილს, ღია კენჭისყრის ნაწილს, ეს თემა რატომ არ გაითვალისწინეთ? - მიმართა ანრი ოხანაშვილს ოთარ კახიძემ.

კახიძე პარლამენტს სთავაზობს, კანონპროექტში პირდაპირ ჩაიწეროს, რომ კანდიდატს საკვალიფიკაციო გამოცდის ჩაბარება არ მოუწევს, რაც მისივე შეფასებით, კითხვებს მოხსნის.

„თქვენ ვენეციის კომისიამ, ისევე როგორც OSCE ODHR-მა გითხრათ, რომ საკვალიფიკაციო გამოცდის ჩაბარებისგან უნდა გათავისუფლდეს და ეს არ უნდა იყოს მოთხოვნადი საკვალიფიკაციო პირობა. მაგრამ თქვენ გვთავაზობთ ფორმულირებას, რომლის მიხედვითაც, იუსტიციის საბჭო უფლებამოსილია ამ მუხლის მე-7 პუნქცის „გ“ ქვეპუნქტით გათვალისწინებული კანდიდატი წარადგინოს საკვალიფიკაციო გამოცდის ჩაბარების გარეშე ანუ იუსტიციის უმაღლესი საბჭო უფლებამოსილია და არ გვთავაზობთ იმ ჩანაწერს, რომელიც არის მოთხოვნილი ჩვენი პარტნიორების, ვენეციის კომისიის მხრიდან, რომ ეს გამოცდა მოხსნილი იყოს. ამიტომ ფორმულირებას გთავაზობთ, რომ ამ საკვალიფიკციო გამოცდის ჩაბარებისგან თავისუფლდებოდეს უზენაესი სასამართლოს მოსამართლეობის კანდიდატები. ასეთი ჩანაწერი მოხსნის კითხვას და არ დაუტოვებს იუსტიციის უმაღლეს საბჭოს დისკრეციას, თავად გადაწყვიტოს მოთხოვოს თუ არა კანდიდატს გამოცდა“, - განაცხადა კახიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს