ზუგდიდის რაიონულმა სასამართლომ „ნაციონალური მოძრაობის" ზუგდიდის ორგანიზაციის თავმჯდომარეს, ანი წითლიძეს და „ნაციონალური მოძრაობის“ პრესსამსახურის ხელმძღვანელს, გიორგი პატარაიას 2 000-2 000-ლარიანი ჯარიმა შეუფარდა.
გადაწყვეტილება ზუგდიდის რაიონული სასამართლოს მოსამართლე ირაკლი აბშილავამ გამოაცხადა.
დაცვის მხარე აღნიშნულ გადაწყვეტილებას არ ეთანხმება და მის გასაჩივრებას აპირებს.
ანი წითლიძე, გიორგი პატარაია და მანუჩარ ჩხეტია 11 აპრილს ადმინისტრაციული კოდექსის 166-ე და 173-ე მუხლებით დააკავეს, რაც წვრილმან ხულიგნობასა და პოლიციისადმი დაუმორჩილებლობას გულისხმობს. წითლიძემ და პატარაიამ ზუგდიდის პოლიციის სამმართველოს შენობა იმავე დღეს, გამოკითხვის შემდეგ დატოვეს. მანუჩარ ჩხეტია კი მეორე დღეს სასამართლოს დარბაზიდან გაათავისუფლეს და მის საქმეზე განაჩენი ხვალ გამოცხადდება.