უზბეკეთის რესპუბლიკის დედაქალაქში, ტაშკენტში საერთაშორისო კონფერენცია მიმდინარეობს, რომელსაც საპენსიო სააგენტოს დირექტორის მოადგილე, ვაჟა ჯაფოშვილი ესწრება.
საპენსიო სააგენტოს ინფორმაციით, ვაჟა ჯაფოშვილმა სიტყვით გამოსვლისას უცხოელ კოლეგებს დაგროვებითი პენსიის შესახებ დეტალური ინფორმაცია მიაწოდა.
ამასთან, კონფერენციაზე დამსწრე საზოგადოებასთან ვაჟა ჯაფოშვილმა ისაუბრა საქართველოში მიმდინარე საპენსიო რეფორმისა და პროცესების შესახებ, კონკრეტულად, თუ რა გზა გაიარა საპენსიო სააგენტომ დაარსებიდან დღემდე.
მომხსენებელმა დაგროვებითი პენსიის ქართულ სქემაზე, დასაქმებულის, დამსაქმებლისა და სახელმწიფოს კონტრიბუციაზე გაამახვილა ყურადღება და აღნიშნა, რომ რეფორმა ქვეყანაში წარმატებით მიმდინარეობს.
კონფერენციას სახელწოდებით „საპენსიო სისტემის რეფორმა უზბეკეთის რესპუბლიკაში და უცხო ქვეყნების გამოცდილება“ სხვადასხვა ქვეყნის საპენსიო დარგის წარმომადგენლები ესწრებიან.