“საერთო სასამართლოების შესახებ“ კანონში შესაძლოა შენარჩუნდეს ნორმა, რომლის თანახმად, მოსამართლეობის კანდიდატებს საკვალიფიკაციო გამოცდების ჩაბარება არ მოეთხოვებათ

„საერთო სასამართლოების შესახებ“ კანონში შესაძლოა შენარჩუნდეს ჯერ კიდევ მოქმედი ნორმა, რომლის მიხედვით, უზენაესი სასამართლო მოსამართლეობის კანდიდატებს საკვალიფიკაციო გამოცდების ჩაბარება არ მოეთხოვებათ და რომლის ამოღებაც უმრავლესობის კანონპროექტით იგეგმება.

როგორც ამასთან დაკავშირებით იურიდიულ საკითხთა კომიტეტის თავმჯდომარემ ანრი ოხანაშვილმა პარლამენტის პლენარულ სხდომაზე, ოპოზიციონერი დეპუტატების საპასუხოდ განაცხადა, გასათვალისწინებელია პარლამენტის საპროცედურო საკითხთა და წესების კომიტეტის თავმჯდომარის გიორგი კახიანის შეთავაზება.

გიორგი კახიანმა კი განაცხადა, რომ კანონის 34-ე მუხლის მე-4 პუნქტი, რომელიც ამოღებაც წარმოდგენილი რედაქციით ხდება, პირიქით, უნდა აღდგეს.

“შესაძლოა, ფორმულირება იყოს ამგვარად ჩამოყალიბებული - “საქართველოს იუსტიციის უმაღლესი საბჭო უფლებამოსილია მოსამართლეების საკვალიფიკაციო გამოცდის ჩაბარების გარეშე უზენაესი სასამართლოს მოსამართლის თანამდებობაზე ასარჩევად პარლამენტს წარუდგინოს კანდიდატურა, რომლის პროფესიული გამოცდილება შეესაბამება უზენაესი სასამართლოს მოსამართლეობის მაღალ სტატუსს“. შესაძლებელია კიდევ უფრო მკაფიო ფორმულირება 34-ე მუხლის ზედა პუნქტებშიც რომ ცალსახად ვთქვათ, უზენაესი სასამართლოს მოსამართლეობის კანდიდატები თავისუფლდებიან გამოცდისგან“, - განაცხადა გიორგი კახიანმა პარლამენტის პლენარულ სხდომაზე.

“საერთო სასამართლოების შესახებ“ კანონში დაგეგმილი ცვლილებების პროექტის კორექტირებული ვარიანტით კი, იუსტიციის უმაღლესი საბჭო უფლებამოსილი იქნება უზენაესი სასამართლოს მოსამართლეობის კანდიდატი წარადგინოს მოსამართლეობის საკვალიფიკაციო გამოცდის ჩაბარების გარეშე.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს