მე არ ვთვლი, რომ პარლამენტის თავმჯდომარე ასე უნდა იქცეოდეს, - ამის შესახებ „ევროპული საქართველოს“ წევრმა ირმა ნადირაშვილმა პლენარულ სხდომაზე განაცხადა. მან პარლამენტის თავმჯდომარე ირაკლი კობახიძე ოპოზიციის მისამართით უწმაწურ საუბარში დაადანაშაულა. ოპოზიციონერმა დეპუტატმა ირაკლი კობახიძეს მიმართა, რომ ასეთი საუბრით მას პრობლემა არ მოეხსნება.

„მე ნამდვილად არ მაქვს პასუხი კითხვაზე, რატომ აქვს პარლამენტის თავმჯდომარეს ასეთი დამოკიდებულება ოპოზიციის მიმართ. ჩვენ ტელევიზორში მოვისმინეთ თქვენი კონსულტაციების შესახებ, რომელსაც კერძო დაარქვით. ეგ არ არის კერძო კონსულტაციები. მე მაინტერესებს, პარლამენტის თავმჯდომარეს რატომ აქვს ასეთი დამოკიდებულება ოპოზიციის ან პარლამენტის, როგორც ინსტიტუტის მიმართ. იმით, რაც თქვენ ბრძანეთ, არ მინდა ამ სიტყვის გამეორება, პრობლემა არ მოგეხსნებათ. პრობლემა დარჩება. მე არ ვთვლი, რომ პარლამენტის თავმჯდომარე ასე უნდა იქცეოდეს,“ - განაცხადა ირმა ნადირაშვილმა.