ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის სოფო კილაძის განცხადებით, საპარლამენტო უმრავლესობამ მოსამართლეთა შერჩევის კანონპროექტში ვენეციის კომისიის რეკომენდაციების ასახვასთან დაკავშირებით გადაწყვეტილება ერთსულოვნად მიიღო.

სოფო კილაძის თქმით, ის ცალკეული დეპუტატების განსხვავებულ პოზიციას პრობლემად არ მიიჩნევს.

„დღეს ჩვენ ერთსულოვნად, კობერიძისა და კიდევ ერთი დეპუტატის გამოკლებით მხარი დავუჭირეთ იმ რეკომენდაციებს, რომელზეც უკვე გაჟღერდა, რომ გავითვალისწინებთ. ეს იყო გუნდური გადაწყვეტილება და ლევანსაც შეუძლია გადაწყვეტილება თვითონ მიიღოს, ამაში მე პირადად პრობლემას ვერ ვხედავ. სიმართლე გითხრათ მისი მხრიდან არგუმენტირებული დასაბუთება ვერ მოვისმინე, თუ რატომ არის ყველა რეკომენდაცია გასათვალისწინებელი. ეს მისი უფლება არის და შეუძლია გადაწყვეტილება მიიღოს დამოუკიდებლად",-განაცხადა სოფო კილაძემ.