თბილისის მეტროსადგურ „300 არაგველიდან“ „ვარკეთილის“ მიმართულებით მატარებლების მოძრაობა სრულად აღდგენილია
თბილისის მეტროპოლიტენის პირველ ხაზზე მატარებლების მოძრაობა სრულად აღდგენილია, ამის შესახებ „ინტერპრესნიუსს“ თბილისის სატრანსპორტო კომპანიის პრესსამსახურში განუცხადეს.
მათივე ინფორმაციით, მოძრაობის შეფერხება მატარებლის ტექნიკურმა ხარვეზმა-ძრავის გადახურებამ გამოიწვია. შემთხვევა მეტროსადგურ „ისანზე“ დაფიქსირდა, ამის გამო მატარებელები მხოლოდ მეტროსადგურ - "300 არაგველამდე" მოძრაობდნენ. მეტროსადგურ "300 არაგველიდან" „ვარკეთილის“ მიმართულებით გადაადგილება დროებით იყო შეფერხებული.
როგორც თბილისის სატრანსპორტო კომპანიაში აცხადებენ, ამ დროისთვის მატარებლების მოძრაობა სრულად აღდგენილია.
