სამ თვეში 21 მილიონი ლარის ღირებულების სახელმწიფო ქონება გაიყიდა

სამ თვეში „სახელმწიფო ქონების ეროვნული სააგენტოს“ 403 აუქციონის შედეგად 21.2 მლნ ლარის ღირებულების სახელმწიფო ქონება გაიყიდა, - ამის შესახებ „ინტერპრესნიუსმა“ ინფორმაცია ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნული სააგენტოდან“ გამოითხოვა.

სააგენტოს ინფორმაციით, მიმდინარე წლის პირველ კვარტალში 403 აუქციონი შედგა, რის შედეგადაც 21 291 197 ლარის სახელმწიფო ქონების პრივატიზება მოხდა.

აღსანიშნავია, რომ გასული წლის პირველ კვარტალთან შედარებით წელს სააგენტომ მეტი აუქციონი გამოაცხადა, თუმცა გაყიდული სახელმწიფო ქონების ღირებულება დაახლოებით 13 მლნ ლარითაა შემცირებული.

კერძოდ, 2018 წლის პირველ კვარტალში სააგენტომ 355 აუქციონის შედეგად 34 222 356 ლარის მობილიზება შეძლო.

რაც შეეხება იმ ობიექტებს, რომლებიც სამი თვის განმავლობაშ გაიყიდა, როგორც „სახელმწიფო ქონების ეროვნულ სააგენტოში“ განარტავენ, მათ შორის არცერთი სახელმწიფო საწარმო არ ფიქსირდება.

შეგახსენებთ, რომ 2018 წელს „სახელმწიფო ქონების ეროვნული სააგენტოს“ მიერ სახელმწიფო ქონების პრივატიზების შედეგად ბიუჯეტში 116 892 431 ლარი შევიდა და შედეგად, საპრივატიზაციო გეგმა უწყებამ 151%-ით შესრულა.

რაც შეეხება მიმდინარე წელს , ეკონომიკისა და მდგრადი განვითარების უკვე ყოფილი მინისტრის გიორგი ქობულიას განცხადებით, წელს უწყება ჯამში 170 მლნ ლარის ღირებულების სახელმწიფო ქონების გაყიდვას გეგმავს. უფრო კონკრეტულად, ექსმინისტრის განცხადებით, დაგეგმილია 120 მილიონი ლარის ღირებულების მსხვილი უძრავი ქონების, 30 მილიონი ლარის სახელმწიფო საწარმოებისა და 20 მილიონი ლარის წვრილი ქონების პრივატიზება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს