სინამდვილეში მარტო ქობულია კი არა, ნებისმიერი მინისტრი და მთელი მთავრობაა წასასვლელი, - ამის შესახებ „ევროპული საქართველოს" წევრმა ზურაბ ჭიაბერაშვილმა ეკონომიკის მინისტრის გიორგი ქობულიას წასვლის შესაძლო მიზეზების კომენტირებისას განაცხადა.
ჭიაბერაშვილისთვის უცნობია, რატომ დატოვა იმ მინისტრმა თანამდებობა, რომელიც ამბობდა, რომ ქვეყანაში არ ცხოვრობენ გაჭირვებულები და ყველაფერი კარგადაა.
„ეჭვიც არაა, რომ ის ბიძინა ივანიშვილმა გაუშვა. ის შეეწირა გარკვეულ კლანურ და კორუფციულ ინტერესებს, მაგრამ ეს არ ამარტივებს იმ მიდგომებს, რომელიც ქობულიას ჰქონდა, ან რაც აქვს „ქართული ოცნების" ნებისმიერ წევრს. მათ არ აქვთ რეალობის აღქმა, თუ რა გაჭირვებაში ცხოვრობენ ჩვენი მოქალაქეები. ყოველ გამოსვლაში ამბობენ, რომ ყველაფერი კარგადაა, მაგრამ გაუგებარია ქობულიას წასვლა იმ ფონზე, როცა ამ გამონათქვამების და მიდგომების წყარო არის თავად ბიძინა ივანიშვილი“, - განაცხად ზურაბ ჭიაბერაშვილმა.