რუსეთი შავ ზღვაში საკუთარი ძალების მოდერნიზებას იმის გათვალისწინებით ახდენს, რომ ნატო ჩვენს სანაპიროებს უახლოვდება, - ამის შესახებ რუსეთის საგარეო საქმეთა მინისტრის მოადგილემ, ალექსანდრე გრუშკომ საინფორმაციო სააგენტო ТАСС-ისთვის მიცემულ ინტერვიუში განაცხადა.

„რა თქმა უნდა, ჩვენ ვახორციელებთ ჩვენი ძალებისა და საშუალებების მოდერნიზაციას იმის გათვალისწინებით, რომ ნატო-ს ინფრასტრუქტურა ჩვენს სანაპიროებს უახლოვდება. ჩვენი ძალისხმევა ადეკვატურია და შეესაბამება რეალურ საჭიროებებს უსაფრთხოების გაძლიერების ჭრილში“, - განაცხადა რუსეთის საგარეო საქმეთა მინისტრის მოადგილემ.

ალექსანდრე გრუშკომ ასევე აღნიშნა, რომ რუსეთი ყურადღებით აკვირდება ნატო-ს ინფრასტრუქტურულ პროექტებს რუმინეთში და ბულგარეთში.

„ყველაფერ ამაზე სათანადო რეაგირებას მოვახდენთ, რათა საიმედოდ უზრუნველვყოთ თავდაცვისა და უსაფრთხოების ჩვენი ინტერესები“, - დასძინა მან.