გიგა ბოკერია ლომჯარიას - თქვენ ახლა იხილავთ უცნაურ სპექტაკლს - უმრავლესობის ნაწილი მადლობას გადაგიხდით, ნაწილი კი გკითხავთ: სად იყავით, 2012 წლამდეო?

ქალბატონო ნინო, უმრავლესობის ნაწილი დიდ მადლობას გადაგიხდით იმის გამო, რომ თქვენ კარგი კომენტარები გქონდათ, მეორე ნაწილი კი დაგგმობთ ოპოზიციასთან თანამშრომლობისთვის, - ასე მიმართა „ევროპული საქართველოს“ ერთ-ერთმა ლიდერმა გიგა ბოკერიამ სახალხო დამცველს ნინო ლომჯარიას, რომელიც დეპუტატებს უზენაესი სასამართლოს მოსამართლეთა არჩევის პროცედურებთან დაკავშირებულ კანონპროექტზე საკუთარ შეფასებებს აცნობს.

„მინდა გაგაფრთხილოთ ქალბატონო ნინო, რომ ახლა თქვენ იხილავთ ძალიან უცნაურ სპექტაკლს, როცა დაამთავრებთ გამოსვლას. უმრავლესობის ნაწილი დიდ მადლობას გადაგიხდით იმის გამო, რომ თქვენ კარგი კომენტარები გქონდათ, მეორე ნაწილი კი დაგგმობთ ოპოზიციასთან თანამშრომლობისთვის და გკითხავთ სად იყავით, 2012 წლამდეო. მე კი ვიცი სადაც იყავით, მაგრამ ამ ხალხს ეშლება“, - აღნიშნა ბოკერიამ.

ოპოზიციონერი დეპუტატის გამოსვლამ უმრავლესობის წევრების რეპლიკები გამოიწვია, თავის მხრივ კი ბოკერიამ მათ სიმშვიდისკენ მოუწოდა.

„არ იზამთ? რატომ აღელდით? დამგმობი ჯგუფი გაკლიათ თუ შემქები? - მიმართა ბოკერიამ უმრავლესობის წევრებს.

ამის მიუხედავად უმრავლესობის დეპუტატების მხრიდან რეპლიკები გაგრძელდა და ერთ-ერთმა დეპუტატმა, ზაზა პაპუაშვილმა მას უცენზურო სიტყვებითაც მიმართა. ამის პასუხად ბოკერიამ დეპუტატს რობოტი უწოდა.

„ეს რობოტი ვინ იყო? ახლოს ძალიან ზრდილობიანი დეპუტატია და შორიდან ძალიან უზრდელი. ძალიან აღელდა ეს ხალხი. მთელი დღე ეძინათ და ახლა აღელდნენ. დაამშვიდეთ ეს ხალხი ან მოდით და ახლოს დამელაპარაკეთ ხოლმე შესვენების დროს თუ რამე პრეტენზიები გაქვთ და ასე გიდუღთ სისხლი. ახლა რომ მორჩება, გელოდებით ყველას ვინც უკნიდან ყვირიხართ-ხოლმე“, - აღნიშნა ბოკერიამ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა