ამ გადაწყვეტილებით "ქართული ოცნება" პოლიტიკურად, ფაქტობრივად, გაკოტრდა. ივანიშვილის კლანს უნდა ვუწოდებდეთ იმ ჯგუფს
რომელიც სასამართლოს გააკონტროლებს, - ამის შესახებ "ევროპული საქართველოს" წევრმა ოთარ კახიძემ განაცხადა.
როგორც კახიძემ აღნიშნა, სასამართლოს კლანი ივანიშვილის ზედამხედველობით მზად არის საზოგადოების აზრის იგნორირებისთვის.
" ეს არ არის მურუსიძე- ჩინჩალაძის კლანი. ეს არის ივანიშვილის კლანი, რომელიც მოიაზრებს მორჩილ უმრავლესობას, მორჩილ სასამართლოს და მორჩილ მთავრობას. ეს უმრავლესობა ივანიშვილის მეთვალყურეობით მზად არის საზოგადოების აზრის სრული იგნორირებისთვის“, - განაცხადა კახიძემ.
პარლამენტმა ხანგრძლივი განხილვისა და დებატების შემდეგ, უზენაესი სასამართლოს მოსამართლეების არჩევის წესზე “საერთო სასამართლოების შესახებ“ ორგანულ კანონში ცვლილების პროექტი მეორე მოსმენით მიიღო. ორდღიანი მუხლობრივი განხილვა კენჭისყრით 87-მომხრე, 31-წინააღმდეგი დასრულდა.