ამ ხალხს სურს სასამართლოს გაჩერება ქვეყანაში და არ აინტერესებს ჩვენი საზოგადოების ბედი. მათი მთავარი ამოცანა კი არის ის, რომ სასამართლო აღარ იყოს ქვეყანაში,
- ამის შესახებ ურიდიულ საკითხთა კომიტეტის თავმჯდომარემ ანრი ოხანაშვილმა განაცხადა. მან ეს კომენტარი იმ დეპუტატების მისამართით გააკეთა, რომლებმაც „საერთო სასამართლოების შესახებ“ კანონპროექტს აპროტესტებდნენ.
როგორც ოხანაშვილმა განაცხადა, მათი წარდგენილი კანონპროექტი არის უპრეცენდენტოდ გამჭირვალე და დეტალურად გაწერილი.
„ჩვენ გავწერეთ უპრეცენდენტოდ დეტალური და გამჭვირვალე პროცედურა, როგორიც არ არსებობს არც ერთ ქვეყანაში ევროკავშირის ფარგლებში.“- განაცხადა ანრი ოხანაშვილმა.
პარლამენტმა ხანგრძლივი განხილვისა და დებატების შემდეგ, უზენაესი სასამართლოს მოსამართლეების არჩევის წესზე “საერთო სასამართლოების შესახებ“ ორგანულ კანონში ცვლილების პროექტი მეორე მოსმენით მიიღო. ორდღიანი მუხლობრივი განხილვა კენჭისყრით 87-მომხრე, 31-წინააღმდეგი დასრულდა.