საქართველოს ყოფილი პრეზიდენტი მიხეილ სააკაშვილი საფრანგეთში ქალაქ მონპელიეში ჩავიდა და პრეფექტურის წინ, „კარვების ქალაქში“ მყოფ
ქართველ თავშესაფრის მაძიებლებს შეხვდა. პრეფექტურის წინ მყოფი საქართველოს მოქალაქეები, საფრანგეთის ხელისუფლებას დახმარებას და თავშესაფრის მიცემას სთხოვენ.
"ჩავაკითხე საფრანგეთში ღია ცის ქვეშ მაცხოვრებელ ჩვენს მოქალაქეებს,რომელნიც უკიდურესი გაჭირვების გამო აღმოჩნდნენ იქ. გული შემეკუმშა იმით, რაც ვნახე.. ეს კატასტროფა უნდა დასრულდეს!" - წერს მიხეილ სააკაშვილი „ფეისბუქგვერდზე“, რომელიც შეხვედრის ამსახველი ფოტოასალასაც ავრცელებს.
„კარვების ქალაქთან“ მელორ ვაჩნაძეც იმყოფებოდა, რომელმაც საქართველოს ყოფილ პრეზიდენტს მოუწოდა, რომ შეხვედრისთვის პოლიტიკური სახე არ მიეცა. მელორ ვაჩნაძისა და მიხეილ სააკაშვილის შეხვედრამ ინციდენტების გარეშე ჩაიარა.