ბათუმში ხანძრის შედეგად 8 ოჯახი დაზარალდა, - ამის შესახებ ბათუმის მერიაში განაცხადეს. როგორც უწყებაში ამბობენ, დაზარალებულები უსაფრთხო ადგილზე დროებით თავშესაფარში გადაიყვანეს. ბათუმის მერიის ინფორმაციით, მომხდარს უწყებაში არსებული შესაბამისი კომისია შეისწავლის.

„ძველ ბათუმში, კომახის ქუჩის #1-ში ხანძრის შედეგად დაიწვა 400 - მდე კვ.მ საცხოვრებელი ფართი. დაზარალებულ ოჯახებს გაეწევათ პირველადი მატერიალური დახმარება და მიეწოდებათ საკვები პროდუქტები. ვითარებას ადგილზე გაეცნო ბათუმის მერი ლაშა კომახიძე, ადგილზე იმყოფებიან ბათუმის მერიის შესაბამისი სამსახურები",- აცხადებენ მერიაში.

იხილეთ ვიდეო: "ვერაფერი დავილაპარაკე შიშისგან, აივნიდან გადმოგვიყვანეს" - კადრები და კომენტარები ბათუმიდან, სადაც ხანძრის შედეგად 8 ოჯახი დაზარალდა