ელენე ხოშტარია - არ მომწონს, გიგი უგულავა და მიხეილ სააკაშვილი ბავშვებივით რომ ჩხუბობენ

ძალიან არ მომწონს, მაგალითად, გიგი უგულავა და მიხეილ სააკაშვილი ბავშვებივით რომ ჩხუბობენ. არც ერთის მხრიდან არ მომწონს და ამას გიგი უგულავასაც ვეუბნები და ღიადაც ვამბობ, - ამის შესახებ „პალიტრანიუსის“ ეთერში, გადაცემა „7 VS 1“, „ევროპული საქართველოს“ ერთ-ერთმა ლიდერმა ელენე ხოშტარიამ განაცხადა. მან საპრეზიდენტო არჩევნებზე გრიგოლ ვაშაძის მხარდაჭერის მიზეზები განმარტა.

ამასთან, ელენე ხოშტარიამ აღნიშნა, რომ „ევროპულ საქართველოს“ და „ნაციონალურ მოძრაობას“ პრინციპული განსხვავებები აქვთ და მათი გაყოფა სწორედ ამიტომ მოხდა და არა იმიტომ, რომ „უგულავამ და სააკაშვილმა წაიჩხუბეს“.

„რა თქმა უნდა, ბიძინა ივანიშვილი ჩვენ ყველას ერთს გვეძახის, იმიტომ, რომ მას ასეთი პოლიტიკური კონსტრუქცია სჭირდება - „ისინი ყველანი წარსულია და თუ მე წავაგებ, ბუა მოდის“. „ბუას“ სახით ვართ ჩვენ ყველანი. ვაშაძის მხარდაჭერა იყო არა „ნაციონალურ მოძრაობას“ ან სააკაშვილს რა დაჭირდა, არამედ, ეს იყო ქვეყნის ინტერესი, რომელიც ჩვენ წინასწარ გვქონდა დაფიქსირებული. საპარლამენტო არჩევნებზე ჩვენ ძალიან მკაფიოდ გვაქვს ნათქვამი, უნდა იყოს პროპორციული სისტემა, თუ პროპორციული სისტემა არ იქნება, მაშინ ოპოზიციურ ძალებს შორის უნდა იყოს გარკვეული შეთანხმება მაჟორიტარულ ოლქებში. ეს ერთიანობას კი არ ნიშნავს, ჩვენ „ნაციონალურ მოძრაობასთან“ მართლა პრინციპული განსხვავებები გვაქვს და იმიტომაც გავიყავით. მე ძალიან არ მომწონს, მაგალითად, უგულავა და მიხეილ სააკაშვილი ბავშვებივით რომ ჩხუბობენ. არც ერთის მხრიდან არ მომწონს და ამას გიგი უგულავასაც ვეუბნები და ღიადაც ვამბობ. პოლიტიკა პირადი ურთიერთოებების გარკვევის სივრცე არაა. ჩვენ განსხვავებები გვაქვს ამ პარტიასთან წარსულზეც, მომავალზეც და ეს არის ნორმალური. ორი სხვადასხვა პარტია ვართ, განსხვავებული შეხედულებებით. ამიტომ ვართ გაყოფილები და არა იმიტომ, რომ უგულავამ და სააკაშვილმა წაიჩხუბეს“, - განაცხადა ელენე ხოშტარიამ.

იხილეთ ვიდეო

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს