გრიგოლ ვაშაძე პანკისის მოვლენებზე - ვთხოვთ ორივე მხარეს,  დაწყნარდნენ და დასხდნენ მოლაპარაკების მაგიდასთან

მოქალაქე ყოველთვის გაიმარჯვებს. ვთხოვთ ორივე მხარეს დაწყნარდნენ და დასხდნენ მოლაპარაკების მაგიდასთან,- ამის შესახებ „ნაციონალური მოძრაობის“ თავმჯდომარემ გრიგოლ ვაშაძემ საგანგებო ბრიფინგზე განაცხადა, სადაც პანკისის ხეობაში მიმდინარე მოვლენებს ეხმაურება.

„არ ჰყოფნის ხელისუფლებას მოთმინება იმისთვის, რომ დაელაპარაკოს თავის მოქალაქეებს, თავის ამომრჩეველს. თუ უხუცესები ჩაგყავს თელავში, თუ მათ ესაუბრები თუ გაქვს არგუმენტები, რომლითაც ცდილობ ეს პატივცემული ადამიანები დაარწმუნო ამ ჰესის აშენების მიზანშეწონილობაში, რა საჭიროა მაშინ პროვოკაციულად მუშაობის დაწყება, მით უმეტეს, რა საჭიროა სპეცდანიშნულების რაზმები და პოლიციის შეყვანა. არაფერი კარგით არ მთავრდება მოქალაქეზე ძალადობა, ეს ყველამ უნდა გაითავისოს. სხვათა შორის, ყველა ხელისუფლებას აქვს ეს მწარე გამოცდილება. მოქალაქე ყოველთვის გაიმარჯვებს. ვთხოვთ ორივე მხარეს, დაწყნარდნენ და დასხდნენ მოლაპარაკების მაგიდასთან“,- განაცხადა ვაშაძემ.

შეგახსენებთ, რომ პანკისის ხეობაში დილიდან დაძაბული ვითარებაა. პანკისის ხეობის მცხოვრებლები, რომლებიც ჰესის მშენებლობას აპროტესტებენ, პოლიციას რამდენჯერმე დაუპირისპირდნენ. პოლიციამ მათ დასაშლელად ცრემლსადენი გაზი და რეზინის ტყვიები გამოიყენა.

იხილეთ ვიდეო

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია