სახალხო დამცველი ნინო ლომჯარია პანკისის ხეობაში მიმდინარე პროცესებს უკიდურესად შემაშფოთებელს უწოდებს.

ლომჯარია მხარეებს მოლაპარაკებების რეჟიმში გადასვლისა და საკითხის მოლაპარაკებების ფორმატში გადაჭრისკენ მოუწოდებს.

“უნდა გაგრძელდეს დიალოგი სახელმწიფოსა და მოსახლეობას შორის, მნიშვნელოვანია მოსახლეობის როგორც ინფორმირება, ასევე, მათი აზრის მოსმენა. მზად ვარ ადგილზე შევხვდე დაპირისპირებულ მხარეებს. ამ ეტაპზე ყველაზე მნიშვნელოვანია, არ მოხდეს დაპირისპირების გაღრმავება და დაცული იყოს ადამიანების უსაფრთხოება!“, - წერს სახალხო დაცველი “ფეისბუქის“ გვერდზე.