პროფესიული განათლების განვითარების დეპარტამენტის უფროსი - განათლების სამინისტროს მოკლევადიან მომზადება-გადამზადების პროგრამაზე რეგისტრაცია ერთ კვირაში დაიწყება

განათლების სამინისტროს მოკლევადიან მომზადება-გადამზადების პროგრამაზე რეგისტრაცია ერთ კვირაში დაიწყება, - ამის შესახებ პროფესიული განათლების განვითარების დეპარტამენტის უფროსმა, ირინა წეროძემ საქართველოს სავაჭრო-სამრეწველო პალატის ორგანიზებით გამართულ პროფესიული განათლების შესახებ შეხვედრაზე განაცხადა.

„განათლების სამინისტრო ზრდასრულთა ფორმალური განათლების სისტემის განვითარებას იწყებს. ეს შეხვედრაც ბიზნესთან კომუნიკაციას და დიალოგს ეძღვნება იმ სერვისის შესახებ, რომელსაც სამინისტრო დაახლოებით ერთ კვირაში გამოაცხადებს. ამ პროგრამაში საგანმანათლებლო დაწესებულებებთან ერთად ბიზნესიც აქტიურად იქნება ჩართული. ერთ კვირაში გამოცხადდება რეგისტრაცია სოფლის მეურნეობის, საინფორმაციო ტექნოლოგიებისა და სამშენებლო მიმართულებით არსებულ მოკლევადიან კურსებზე, რომელიც სამუშაოზე დაფუძნებული სწავლების მეთოდით განხორციელდება“, - განაცხადა წეროძემ.

წეროძის განმარტებით, გადამზადების პროგრამაზე სახელმწიფო 2 მლნ ლარს დახარჯავს და შედეგად 3000-მდე ბენეფიციარს გადაამზადებს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ