ნიკა მელია სუს-ის ანგარიშის მოსმენის დახურვაზე - ფულს რომ იპარავენ თქვენი კოლეგები, ამასთან დაკავშირებით კითხვას როდესაც დავსვამთ, არ დახუროთ სხდომა

როდესაც კითხვები იქნება ტერორიზმთან, ოკუპირებულ ტერიტორიებთან დაკავშირებით, სხდომა დავხუროთ, მაგრამ ფულს რომ იპარავენ თქვენი კოლეგები, ამასთან დაკავშირებით კითხვას როდესაც დავსვამთ, არ დახუროთ სხდომა. მე მგონი მარტივია, - ამის შესახებ „ნაციონალური მოძრაობის“ ერთ-ერთმა ლიდერმა ნიკა მელიამ პარლამენტში სამი კომიტეტის გაერთიანებულ სხდომაზე განაცხადა, სადაც სუს-ის 2018 წლის ანგარიშის მოსმენა მიმდინარეობს. კომიტეტზე უსაფრთხოების საკითხებიდან გამომდინარე, სხდომის დახურვას ითხოვდნენ.

ნიკა მელიას თქმით, გარდა ტერორიზმისა და ოკუპირებული ტერიტორიებისა, ანგარიში სხვა მიმართულებებსაც მოიცავს, რასთან დაკავშირებთაც ოპოზიციას და საზოგადოებას კითხვები აქვს.

„თქვენ მოხსენებაში რამდენიმე სხვა თავიც იყო. მაგალითად: კორუფციის წინააღმდეგ ბრძოლა, რომლითაც ასე იწონებდით თავს საანგარიშო პერიოდში. რა არის აქ დასამალი? მე მაქვს კითხვა, როგორ მოხდა, რომ საანგარიშო პერიოდში ქრთამის აღებაზე მხოლოდ 21 საქმეზე აღძარით სისხლის სამართლის საქმე და ქრთამის მიცემაზე სამი?! მცხეთის მუნიციპალიტეტის მერის წარმომადგენელი სოფელ ცხვარიჭამიაში დაგიჭერიათ თურმე ქრთამის აღებაზე, მაშინ, როდესაც ბატონი გოგაშვილი, თქვენი კოლეგა რომ იყო და დღეს პარტიაში მოღვაწეობს, მოვიდა სოციალურად დაუცველის სტატუსით და დღეს არის, დეკლარირებული მილიონერი“, - განაცხადა ნიკა მელიამ.

ნიკა მელიას თქმით, მას სუს-ის დირექტორის პირველ მოადგილესთან კითხვები აქვს პოლიტიკური ოპონენტების დევნასთან დაკავშირებთაც.

„ერთი სიტყვა არ დაგცდენიათ თქვენ ძირითად საქმიანობაზე, რა არის იცით ეს?! ეს არის პოლიტიკური ოპონენტების დევნა. მაინტერესებს სახელმწიფო უსაფრთხოების სამსახური რამდენად ახორციელებს პოლიტიკური ოპონენტების დევნას, კონკრეტული კითხვები გვაქვს“, - განაცხადა მელიამ.

სხდომა, რომელზეც სუს-ის ანგარიშს უსმენენ დეპუტატების გადაწყვეტილებით დაიხურა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა